广州市第一中学校友会论坛
标题:
“鼎湖上素”唔系“好斋”
[打印本页]
作者:
62桃李
时间:
2012-6-17 22:31
标题:
“鼎湖上素”唔系“好斋”
來源:南方都市报 2011-06-21
卢总
广州话里面有句歇后语“鼎湖上素———好斋”,系用嚟形容一啲单一、单调嘅事物,或者系冇乜油水好捞嘅生意、差事之类。但查实“鼎湖上素”根本就唔系咩“好斋”。
话说上世纪二三十年代,广州惠爱西路(即系而家中山六路同六榕路交界)有间“西园酒家”,话事人系“酒楼王”陈福畴———“四大酒家”都系佢名下嘅,你话佢几本事呢。
“西园酒家”喺六榕寺附近,来往香客甚众,于是就推出“罗汉斋”以做招徕,生意都相当之唔错嘅。点知后来附近嘅素菜馆“榕荫园”推出咗一款名为“如来上素”嘅高级素菜,抢走咗佢哋唔少生意。陈福畴嘅绰号叫做“乾坤袋”,佢结交广,而且相当有谋略,知道鼎湖山庆云寺庆云大师到六榕寺讲经,就捐咗一大笔香油钱畀庆云寺,重请埋庆云大师到西园食饭,席间就向庆云大师请教高级素菜嘅整法。之后,陈福畴就命令主厨“八卦田”选用高级嘅斋料,以上汤用慢火煨制出一道新菜式,名为“鼎湖上素”。
由于煨制“鼎湖上素”嘅上汤系用老鸡、瘦肉、火腿等熬制而成嘅,因此美味非常,好快就将“榕荫园”嘅生意抢番返嚟。
当时主政广东嘅“南天王”陈济棠两公婆都信佛,但又唔方便出入,于是佢老婆莫秀英就请咗省港名厨到家中进行斋宴比赛,并且声言所有厨师都唔准带荤腥、调味料入府,一切材料、用具都要检查过先至准入门。呢下“八卦田”就慌嘞———冇“师傅”,“鼎湖上素”岂不是要拆招牌?但系陈福畴醒,佢叫“八卦田”首先用干鲍、老鸡、火腿整煲靓上汤,然后用几条新嘅白毛巾吸取浓汤精华,再攞出去晒干。比赛之日,将嗰几条白毛巾带入陈府,放落镬用滚水一煮,即刻就有上汤整“鼎湖上素”嘞。最后当然就系呢味“鼎湖上素”获得陈济棠、莫秀英以及席上达官贵人嘅交口称赞啦!
从此,西园呢道招牌菜“鼎湖上素”就更加出名嘞。之但系,用肉汤煨制嘅“鼎湖上素”又点能够算得上系“好斋”呢?
作者:
如梦令
时间:
2012-6-17 23:05
呵呵,没有肉的菜从来都是不好吃的啦
作者:
嘉嘉
时间:
2012-6-18 15:31
斋,真的是斋啊!
作者:
yukokcho
时间:
2012-6-18 18:07
本帖最后由 yukokcho 于 2012-6-18 18:10 编辑
嘉嘉 发表于 2012-6-18 15:31
斋,真的是斋啊!
素是斋
、上素
,
就不是斋了
。
欢迎光临 广州市第一中学校友会论坛 (http://gzyzxyh.fa.chinadds.net/)
Powered by Discuz! X1.5